Twee Onsigbare Opponente

Baie vrouens kry vroeg in hulle lewe reeds te doen met die twee onsigbare opponente. Op een skouer sit die voorstander van “ ek wil eet wat ek wil, wanneer ek wil” en op die ander skouer sit die voorstander van “ ek wil goed voel en goed lyk”. Die gedurige mededinging tussen die twee om 'n plek, lei tot die ontstaan van “yo-yo” diēte wat 'n groot deel van mense se lewensvreugde steel. Maak vandag 'n keuse om van een opponent ontslae te raak, en die ander een ten volle te ondersteun. As mens kies om gewig te verloor en 'n kleiner nommer klere te dra, moet jy 'n kopskuif maak om permanente leefstylveranderinge te maak.